Драстично зголемување или намалување на килограмите во подоцната животна возраст може да го зголеми ризикот од деменција за 25%, покажало најновото истражување.
Мажите на возраст од 60 до 79 години, чии индекс на телесна тежина се зголемил за 10 и повеќе проценти во тек на две години, развиле ризик од деменција за 25%. Оние пак кои изгубиле на тежина, ризикот од деменција им се зголемил за 30%.
Што се однесува до жените, кај нив, значајната промена на телесната тежина резултира со 15 до 17% поголема веројатност дека ќе страдаат од деменција, покажало истражувањето кое било спроведено на 67.000 лица.
Стручњаците сметаат дека драстичните промени на телесната тежина може да ги оштетат крвните садови и да влијаат на хормоните, што повторно е поврзано со ризикот од деменција.
“Добивањето и губењето на телесната тежина може да бидат значајни ризик фактори поврзани со деменцијата. Нашите резултати покажуваат дека контролата на телесната тежина и одржувањето на здрав начин на живот се корисни во превенцијата, дури и подоцна во животот“, изјавил проф. Јин-Вон Квон од Националниот Универизтет Куангпонк.
Здравата телесна тежина во било кој момент во животот може да има важни здравствени придобивки, вклучувајќи и помош во контрола на ризик факторите од деменција, како што се дијабетесот и високиот крвен притисок, објаснуваат експертите.
