Доктор Кристофер Ор, стоматолог, тврди дека шампањското и белите вина се на листата најштетни пијалаци кога се работи за забите.
„Нивото на пХ во вината е различно и тешко може да се одреди. Едно е сигурно дека ризлингот спаѓа во групата мошне кисели вина“, вели доктор Ор и додава дека слатките вина се, исто така, штетни за забите затоа што содржат многу шеќери. Тој истакнува и дека шампањското, слаткото розе и десертното вино се, исто така, многу штетни за забите.
„Времето на задржување во устата е главен проблем. Употребата на сламка го намалува контактот со забите, а испирањето на устата со голтки вода и помага на плунката во намалувањето на киселоста. Треба да се ужива за празниците, но да се ужива одговорно“, вели доктор Ор и додава дека газираните сокови се полни со шеќер, но и кисели и дека тоа им прави двојна штета на забите, особено ако се мешаат со алкохолни пијалаци.
„Природната одбрана на организмот која ги штити забите е плунката, но и треба време да се произведе, а тоа е обично околу половина час. Ако пиете алкохолни пијалаци и по неколку часа телото нема да има можност да произведе доволно плунка. А тоа овозможува оштетување на забите затоа што киселината ја омекнува забната глеѓ, која е најцврстиот, но и најтенкиот слој на забите кој го штити дентинот од пропаѓање“, објаснил доктор Ор.
Докторот предупредува дека ова е период од годината за нанесување штета, особено на веќе ранливите заби. Газираните слатки пијалаци со арома на лимон ќе предизвикаат оштетување на забите заради ерозијата.
