Многумина после тетовирањето мислат дека „постапката е завршена“, но опасно се лажат! Тетоважите треба да се „негуваат“, а особено се чувствителни додека се свежи. Еве на што треба да посветите внимание и што треба да одбегнувате во првите недели после тетовирањето.
Тесна облека
Синтетските чорапи, хеланките или тесните панталони се табу после тетовирањето. Општо – облеката која е тесно припиена со местото на кое се наоѓа тетоважата пречи при зацелувањето на кожата. Освен тоа, секретот од раната може да се залепи за ткаенината.
Проѕирна фолија
Мошне честа грешка! Раната под фолијата не може да дише – згора на тоа останува влажна, па на неа може побрзо да развиваат бактерии. Што е подобро од фолија? Стерилна газа која пропушта воздух.
Сонце и солариум
Ако сакате долго да ја задржите изворната боја и обликот на новата тетоважа, тогаш во првите недели после тетовирањето во никој случај не смеете да се изложувате на јако сонце – а не треба да одите дури ниту во солариум.
Гребење и чепкање
Веројатно, малку ќе ве чеша, но не смеете да ја чепкате свежата тетоважа. Освен што може да ја „изгребете“ бојата, на раната може да „донесете“ бактерии кои можеби ги имате под ноктите.
Капење
Дозволено е туширање единствено со Пх неутрален гел, но внимавајте немојте да се „киснете“ со часови. Врелата купка може да наштети. Топлата вода и додатоците ја омекнуваат кожата и ја прават подложна на инфекции.
