Факт е дека кога сме изморени кафето не буди и ни ја подобрува концентрацијата, но овој напиток сепак носи и некој свој ризик… Американските научници анализирале резултати на преку триста истражувања спроведени меѓу 2001 и 2015 година, кои се бавеле со ефектите на кофеинот врз кардиоваскуларните болести, репродукцијата, однесувањето, развојот и здравјето на коските.
Заклучиле дека не треба да се премине дневното количество од 400 мг кофеин (што би одговарало на количество од 4 филџани кафе дневно). Кога ќе се помине преку овој праг се јавуваат негативните ефекти на кофеинот. Треба да се напомене и дека оваа препорака т.е. горната граница се однесува на возрасните личности со добро здравје.
Кога станува збор за трудниците, научниците не препорачуваат да се внесуваат повеќе од 300 мг кофеин дневно, иако претходните истражувања укажуваа на тоа дека оваа граница треба да биде и пониска (200 мг). За децата и адолесцентите горната граница изнесува 2,5 мг кофеин по килограм телесна тежина.
