Не чекајте го прегледот кај гинекологот, често самите прегледувајте си ги градите за случајно да не најдете некое грутче. Тоа е една од најважните здравствени мерки кои можете да си ги спроведете на себе. Мошне е важно да стекнете навика за редовен (најмалку еднаш месечно) самопреглед за да знаете кога дошло до промени. Одбегнувајте преглед за време на менструациите затоа што тогаш често се појавуваат грутчиња.
Како правилно да си ги прегледате градите?
1. Чекор: набљудувајте ги градите во огледало: Најпрво спуштете ги рацете лабаво покрај телото, па проверете во огледалото дали видно се сменила големината на градите, како и дали останала иста бојата на брадавиците. Потоа разгледајте дали градите се однесуваат еднакво кога се движите или дали има некакви испакнувања.
2. Чекор: проверете ги градите додека стоите: Ставете ја едната рака зад главата, а со другата поминувајте со прстите по градата, па допирајте со различни притисоци. Кога ќе ги поминете сите места на двете гради, почнете со кружни движења. Потоа со прстите поминувајте одозгора – надолу и од лево кон десно.
3. Чекор: испитајте ги брадавиците: Сега притискајте ги брадавиците. Ако излезе течност, веднаш побарајте лекарска помош.
4. Чекор: во лежечка положба: Уште еднаш додека лежите со прстите испитајте ги градите, а особено внимавајте на долните делови од градите.
5. Чекор: не ги заборавајте пазувите: Таму има лимфни жлезди, па заради тоа треба да се направи проверка и во овој дел.
Што всушност бараме кога ги допираме градите?
Бидејќи нашите гради главно се состојат од масно ткиво и млечни канали се е релативно меко. Заради тоа бараме тврди делови, таканаречени грутки или јазли, кои го „згуснуваат“ ткивото. Дополнително треба да се провери дали промената останува на своето место или се движи.
Совет: Важно е да не почнувате веднаш да паничите ако нешто не е „како што треба“. Имено, многу промени и не се опасни. И да, овие самопрегледи никако не треба да ги заменуваат редовните лекарски прегледи.
