Можете ли да го замислите летото без скара, сладолед и шарени коктели? Во продолжение дознајте која храна треба да ја избегнувате во летните месеци.
Виршли
Виршлите не спаѓаат во здрава храна, но сепак понекогаш сакаме да ги јадеме. Во лето е најпрактично да го задоволиме гладот со нешто полесен оброк од тешките и масивни хамбургери. Меѓутоа, виршлите изобилуваат со масти, калории и натриум, што го нарушува здравјето на кардиоваскуларниот систем.
Пилешко
Ако сакате да јадете пилешко, внимавајте на условите во кои го купувате или подготвувате. Салмонелата најчесто се добива преку пилешкото месо во летните месеци. Повеќето заразени се мали деца и возрасни со послаб имунолошки статус. Салмонелата може да предизвика симптоми како гадење, повраќање, болки во стомакот, што сигурно не го посакувате.
Коктели
Коктелите содржат голем број калории. На пример, Пинаколада може да содржи од 245 до 490 калории! Наместо тоа, одберете чисти овошни коктели без вештачки адитиви и бои, а ако, сепак, сте се одлучиле за алкохолен, секако, напијте се една чаша вода после секој коктел за да избегнете дехидрација.
Сладолед
Може ли лето без сладолед?! Сепак, пред да нарачате 3 топки сладолед, запомнете дека сладоледот изоболува со калории и масти. Само една чашка сладолед содржи околу 350 калории и 20 грама масти!
Пржена храна
Ретко кој не сака похувано месо. За сите љубители на похувана и пржена храна немаме добри вести. Имено, похувани пилешки гради од 100 грама содржат 167 калории и 7 грама масти.
- Ако ги земете предвид и летните вруќини, овој голем внес на калории и масти нема да донесе ништо добро. Чувајте го своето здравје! Во овој период ни е достапно разноврсно овошје и зеленчук. Ако сте гладни, изедете кришка лубеница, диња, нектарина, праска, домат или некој друг зеленчук и хидрирајте го вашето тело, пишува webmd.
