Помалку или повеќе сите постојано слушаме колку витамините се добра работа, но во која количина? Зависи, секако, од лице до лице. Додека некои добиваат доволно хранливи материи од разновидната исхрана, има такви на кои недостатокот на витамини им е сериозен и мора да користат додатоци.
Но, експертите предупредуваат дека постојат негативни последици доколку земаме витамини без план и програма. Ако сметате дека можеби ви е потребен надоместок, секако прво советувајте со вашиот матичен лекар.
ШТО ТРЕБА ДА СЕ ЗНАЕ ПРЕД ЗЕМАЊЕТО ВИТАМИНИ?
Д-р Бајо Кари-Винчел истакнува дека најважно за се е прво да се поразговара со матичниот лекар.
“Мит е дека витамините не можат да наштетат. Секако дека можат, ако се земаат во преголеми количини, во комбинација со некои лекови или со некои хронични здравствени состојби. Затоа бидете внимателни“, истакнува д-р Кари-Винчел.
- Зошто премногу витамини може да биде нездраво?
Нашето тело ги добива витамините А, Ц, Д, Е и К од секојдневната исхрана. Освен тоа, нашето тело самото произведува витамини Д и К. Затоа, дополнителните дози кај некои, може да предизвикаат здравствени компликации.
- Можно е предозирање
Верувале или не, човек може да се предозира со витамини. Кога станува збор за витаминот Д, на страницата на клиниката Мајо се напоменува:
“Труењето со витамин Д, познато и како хипервитаминоза Д, е ретко, но се работи за сериозна состојба која е последица на прекумерна концентрација на овој витамин во телото. Причината обично се додатоци во исхраната, а не исхрана или изложување на сонце. Тоа се случува затоа што човечкото тело го регулира количеството на витамин Д што го добива од изложување на сонце или од храна“.
Главната последица од труењето со витамин Д е акумулација на калциум во крвта (хиперкалцемија), што може да предизвика гадење и повраќање, слабост и често мокрење. Сето ова може да предизвика болки во коските и проблеми со бубрезите.
Витамин А
Премногу витамин А се поврзува со мачнина, промени во острината на видот, главоболка и тешкотии со координацијата. Големи количини на витамин А за време на бременоста може да предизвикаат физички мани кај плодот или да имаат контраиндикации со некои лекови.
- Витамин Ц
Витаминот Ц навистина е достапен во многу секојдневни намирници. Иако витаминот Ц се чисти од организмот, кај прекумерните количини може да дојде до главоболки, повраќање и грчеви во стомакот.
