„Cleveland Clinic„ и „Parade magazine“ спровеле истражување и дошле до податокот дека постои поголема веројатност дека луѓето ќе се подложат на некоја диета, ќе почнат да тренираат или дека ќе пробаат природни лекови ако видат дека тоа го прават инфлуенсерите кои тие слепо ги следат.
Повеќе штета од корист
„На интернет може да се најдат разни лажни тврдења и затоа мошне важно е да се истражат изворите на таквите информации. Ако некој совет кружи по социјалните мрежи или интернет, не значи дека може да направи чуда во реалниот живот“, вели доктор Марк Хајман од „Cleveland Clinic“.
Еден од примерите за ширење лажни информации преку интернет кои може да доведат до негативни последици – Студија од 2018 година која ја спровел „George Washington University”, а се однесувала на противењето за вакцинирање на децата, што како последица имало намален број на вакцинации, а како краен исход епидемија на мали сипаници во САД.
Истражувачите од „Cleveland Clinic” дошле до податоци дека испитаниците кои советите ги барале меѓу инфлуенсерите навистина пробале некои од непроверените лекови за да ги решат своите здравствени проблеми. Најпопуларните и најчести извори биле врзани за режимите за исхрана, како што е повремениот пост или кето диетата. Истражувањето открило и дека 22 отсто од учесниците биле „навлечени“ на виртуелна медицина и консултации со лекари преку видео-разговор. Изненадувачки висок процент на испитаници, дури 72 отсто, рекле дека се одлучиле за намалување на внесот на шеќери благодарение на информацијата дека тоа може да го намали ризикот од дијабетес, дебелина и болести на срцето.
Доктор Хајман истакнува дека и покрај ризикот, социјалните мрежи им нудат можност на луѓето да почнат повеќе да водат сметка за своето здравје и дека тоа може да биде одреден вид поддршка. Меѓутоа, едно е да се биде мотивиран, а нешто сосема поинакво слепо да се следи секој совет. Треба да се биде внимателен!
