Мета анализата ги вклучила сите постоечки податоци на генетските студии кои се фокусирале на исхемичниот мозочен удар, а кој се случува кај лица помлади од 60 години.
Бројот на млади лица кои доживеале мозочен удар се зголемува, а тие ќе починат и претходно поради тоа случување, а преживеаните ќе се борат со тешки последици, но и покрај тоа, премалку се истражува, наведува д-р Стивенс Китнер, професор по неврологија.
Тој заедно со колеги спровел истражување правејќи мета анализа на 48 студии за генетиката и исхемичниот удар на повеќе од 17.000 пациенти кои имале удар и 600.000 комплетно здрави пациенти. Тие ги прегледале хромозомите за да ја откријат генетската варијанта која е поврзана со мозочниот удар пред 60-тите години и хромозомите кои вклучуваат гени кои одредуваат која крвна група сте.
Се открило дека лицата кои помлади ќе доживеат мозочен удар веројатно ќе бидат крвна група А, а најмали се шансите да го доживеат оние кои имаат крвна група О – во споредба со оние кои имале мозочен удар и оние кои никогаш немале. Мозочниот удар кој се случува во порана и подоцна возраст е поврзан со крвната група Б.
По вклучување на сите останати фактори, како што е полот, откриле дека оние со крвна група А имаат 16 отсто поголеми шанси да доживеат мозочен удар на порана возраст. Лицата кои имаат крвна група 0 имаат и 12 отсто помали шанси да доживеат мозочен удар од сите други крвни групи.
“Нашата мета анализа го следеше генетскиот профил и откри поврзаност помеѓу крвната група и мозочниот удар на порана возраст, а таа е многу помала кога ќе се појави на подоцнежна возраст“, велат авторите на студијата.
Научниците истакнуваат дека зголемениот ризик всушност не е толку голем и дека луѓето со крвна група А не мора да стравуваат од мозочен удар дури и на помлада возраст и не треба да закажуваат дополнителни прегледи за да бидат сигурно дека се е како што треба.
“Сè уште не знаеме зошто крвната група А значи поголем ризик, но веројатно има врска со факторите на згрутчување на крвта, како и со протеините, а тие играат важна улога во развојот на згрутчување на крвта“, додаваат авторите. Претходни истражувања исто така откриле дека лицата со крвна група А имаат малку поголем ризик од развој на крвни згрутчувања во нозете, наречена длабока венска тромбоза. Тие заклучуваат дека се потребни повеќе истражувања за да се разјаснат механизмите на зголемен ризик од мозочен удар.
