Истражувачите дошле до овој заклучок откако направиле експеримент при кој набљудувале 80 жени кои јадат паста. На половината од нив храната им била послужена во мал, пластичен сад од кој јаделе стоејќи и притоа им било речено дека станува збор за грицки. На втората група жени, кои за време на оброкот седеле, пастата им била послужена во чинија и како ручек. Малку подоцна, на сите жени им биле понудени слатки, оние кои „грицкале“ паста изеле речиси двојно повеќе.
„Резултатите покажале дека мозокот како да не обрнува исто внимание на работите кога грицка и затоа не ни испраќа сигнал дека сме полни, па сме во состојба да изедеме многу повеќе храна отколку што ни е потребно“, тврди Дајен Џејд од националниот центар за пореметувања во исхраната.
