Народната поговорка вели – По утрото денот се познава, а токму ова е вистина. Многу е важно на кој начин го започнувате денот, односно какви ви се утринските навики. Голем број луѓе имаат некои утрински ритуали и навики од кои не се откажуваат. Меѓутоа, колку и да ви годи нешто наутро – тоа не мора да значи дека е добро за вас.
Треба да знаете кои се најчестите грешки што ги правите кога ќе отворите очи, ако сакате денот да ви биде што подобар, поуспешен, посреќен…
Одложување на алармот
Никој не го сака звукот на аларм наутро. Меѓутоа, одложувањето на алармот нема да го промени фактот дека мора да станете, а ако ова го правите – само ќе ви биде потешко. Токму одложувањето на алармот прави да ни биде потешко да станеме, а кога конечно ќе се решиме на тоа – стануваме нервозни, а тие 5, 10 минути или половина час „дополнително спиење„ не ни помагаат воопшто. Наместо тоа, навијте го алармот на време, и кога веднаш ќе станете ќе се чувствувате подобро.
Проверка на телефонот
Ако гледате на телефон, проверувате мејлови и пораки штом ќе ги отворите очите, додека уште лежите, не разбудени, да знаете дека тоа е лоша навика и треба веднаш да се ослободите од неа. На овој начин чувствувате тензија многу порано од времето кога треба да се соочите со сите проблеми. Зошто да го започнете денот со загрижувачки податоци кои сте ги добиле на меил или преку порака. Се ова може да почека, потрудете се да си овозможите убав почеток на денот, за и остатокот да ви биде таков.
Лош или никаков појадок
Не напразно се вели дека појадокот е најважен оброк во денот. Токму од него зависи каков ќе ви биде остатокот од денот. Зошто тогаш да го прескокнете? Меѓутоа, не баш секој појадок е добар појадок, потребно ви е нешто што ќе ви даде енергија која ќе трае преку целиот ден. Најдобар избор се овесни снегулки со млеко и свежо овошје или јогурт, но доколку не ви е доволно ова – јајца и јогурт може да бидат најдобра алтернатива.
Прескокнување на утринските активности
Физичката активност е многу важна. Доколку немате време или не сакате да тренирате секој ден – доволно е наутро, кога ќе станете, да одвоите неколку минути (најмногу 15), за лесно загреварње за крвта да проциркулира низ целото тело. Така ќе бидете сигурни дека сте се разбудиле.
