Холестеролот е на лош глас бидејќи често се поврзува со кардиоваскуларните болести, но постои и здрав холестерол, кој е нужен за создавање на здрави клетки. Сепак, како што веќе знаете, морате да внимавате на нивото на холестерол во крвта, бидејќи многу високото ниво може да го зголеми ризикот од развој на срцеви заболувања.
За возрасни лица, за здрав холестерол се смета нивото кое е под 200мг/дл, додека вредностите од најмалку 240 мг/дл се сметаат за високи. Главните причини за висок холестерол се претерано консумирање на храна со висок удел на заситени и транс масти, слаба физичка активност, но и нездрави навики како пушење и консумирање алкохол.
Иако високиот холестерол обично не го следат симптоми, тој може да доведе до промени во телото кои може да предизвикаат болка и нелагодност, како на пример, оштетувања на артериите, што може да го зголеми ризикот од развој на болести на периферните артерии (ПАД).
Поврзаност на високиот холестерол и болеста на периферните артерии
Болеста на перферните артерии (ПАД) е состојба поврзана со стеснати артерии, што доведува до намален проток на крв во екстремитетите. Кога лицето страда од оваа болест, рацете и обично нозете не добиваат доволен проток на крв за да ги задржат нормалните функции.
Најчесто е предизвикана од атеросклероза, состојба поврзана со таложење на масти, холестерол и други материи на ѕидовите на артериите, велат лекарите од Мајо клиниката. Поради тоа, ако вашето ниво на холестерол е многу високо, тој се таложи на ѕидовите на вашите артерии, што постапно доведува до атеросклероза, а потоа до болести на периферните артерии (ПАД).
Три делови на телото каде се појавуваат симптоми
Американското здружение за срце наведува дека најчести симптоми на болести на периферните артерии на долните екстремитети се болни грчеви на мускулите во колковите, бутините или листовите на нзоете во текот на одење, качување по скали или вежбање.
“Болката при ПАД често исчезнува кога ќе престанете да вежбате, иако тоа може да потрае неколку минути. На активните мускули им е потребен поголем проток на крв. Мускулите кои се одмораат може да преживеат со помалку“, велат експерите од Зружението.
Освен грчеви во колковите, бутините и листови, овие се уште некои вообичаени симптоми поврзани со ПАД.
- Трнење или слабост во нозете
- Рани на прстите, стапалата или нозете, кои не заздравуваат
- Промени во бојата на ногата
- Опаѓање на влакната
- Нарушен раст на влакната и ноките на нозете
- Слаб или никаков пулс во нозете и стапалата
- Мажите може да доживеат еректилна дисфункција
- Болка и грчеви во рацете
