Овие две нови варијанти предизвикаа најголем дел од случаите на КОВИД оваа година, според податоците на Центарот за контрола и превенција на болести (ЦДЦ). Само варијантата BA.5 на омикрон предизвика 81 отсто од случаите на инфекции во октомври.
Варијантите BA.4 и BA.5 главно предизвикуваат симптоми слични на настинка како температура, кашлица, болка во грлото, течење на носот и замор, како и проблеми со дишењето, наведуваат експертите.
Од симптомите уште може да се појави болка во мускулите и дијареа, додека губењето на мирис и вкус се ретки симптоми кај заболените со овие варијанти.
Со оглед на тоа дека симптомите се поблаги, може да се лекуваат дома, па во моментов, според експертите, не е забележано зголемување на хоспитализациите и смртните случаи.
Меѓутоа, се бележи пораст на бројот на заразени поради брзото ширење на вирусот.
Експертите сметаат дека токму поради благите симптоми, овие варијанти се шират многу побрзо, бидејќи луѓето не знаат дека се заразени со вирусот, туку мислат дека се работи за алергија или настинка.
