Во најголем број случаи ноќните „дружби“ со фрижидерот се непријател број еден на витката линија, но постои храна која е нутритивно богата и која смеете да ја јадете пред спиење без страв дека ќе се здебелите. Се разбира, препораката на диететичарите е да се воздржите од грицкање во вечерните часови, но ако веќе не можете треба да знаете што смеете, а што не смеете да јадете.
Најдобар избор пред спиење:
- Растителни стапчиња со ѕаѕики сос направен од јогурт, краставички, лук и сок од лимон;
- Чинија свежа овошна салата;
- Чинија јогурт со ниска масленост и свежо зрнесто овошје;
- Неколку овесни кекси со сирење и домати;
- Шака јаткасти плодови или семки;
- Малку пуканки со цимет;
- Парче леб од интегрално брашно намачкан со салца од домати, кромид, лук и коријандер;
- Стапчиња целер со неколку лажици хумус;
- Чинија зелена салата зачинета со лимонов сок и едно варено јајце.
Храна која треба да се одбегнува
- Чорби;
- Солени грицки (чипс, соленки, смоки и сл.);
- Чоколадо и слатки;
- Колачи;
- Кекси (дури и оние од интегрално брашно и со ознака „за дијабетичари“)
- Бел леб, лиснато тесто и печива;
- Сладолед;
- Сокови со дополнителен шеќер.
