Се повеќе докази упатуваат на тоа дека воздухот кој кружи во затворен простор придонесува за ширење на честичките кои предизвикуваат инфекција. Тој облак на ситни честички, познати како аеросоли, во воздухот може да останат долго и повеќе часа, а во тој случај може да помогне едноставно посегање по рачката на прозорот.
Епидемиологот Антоин Флахаулт го споредува тоа со пушењето.
“Што ќе направите кога собата е зачадена? Отворате прозор чадот да ‘излезе од просторијата. Исто еи со невидливите вирални облаци’“, вели тој.
Американскиот центар за контрола и превенција на болести (CDC) неодамна во своите препораки за борба против ширењето на новиот коронавирус го вброи и делот за затворени простори.
“Избегнувајте затворени простории и обезбедете нивна правилна вентилација со воведување на што е можно повеќе свеж воздух“, пишува на интернет страницата на Центарот.
ЕДНОСТАВНО И ЕФИКАСНО
Иако коронавирусот доминантно се пренесува по капков пат, CDC аеросолите и официјално ги вклучи меѓу начините за пренесување на вирусот.
Стручњаците во многу земји веќе со месеци заговараат воведување на поригорозни мерки за спречување на заканите со аеросолите, кои на почетокот на пандемијата едвај и да се споменуваа во јавноздравствените насоки.Германија е една од земјите која на населението и официјално им препорачува да отвораат прозори и да ги проветруваат просториите. И во препораките на нашето Министерство за здравство, проветрувањето на просториите се наведува како мерка за заштита од ширење на инфекцијата.
Германските лекари ги советуваат граѓаните да ги оставаат прозорите отворени дури и кога ќе се намалат надворешните температури.
“Секогаш може да облечете џемпер ако ви студено“, вели д-р Бернард Хулсинг.
Колку долго треба да се проветрува да се “растераат“ аеросолите?
“Многу. Ние препорачуваме целосна рециркулација на воздухот во просторијата најмалку шест пати во еден час“, вели Флахаулт, директор на Институтот за глобално здравје на женевскиот универзитет.
“Шест пати во еден час е она кое го имате во вагоните на супербрзите возови или во авионите, каде квалитетот на воздух е многу добар. Но, во повеќето затворени простории немаме такво ниво на вентилација“, додава тој.
Отворените прозорци, секако, не се единствената мерка.
“Ограничете го бројот на лица кои престојуваат во иста просторија, не останувајте во неа предолго, носете маска цело време, редовно мијте ги рацете и обидете се да не зборувате или да викате премногу“, истакнува Флахаулт.
