Истражувања покажале дека премногу или премалку часови сон го зголемуваат ризикот од срцеви заболувања, шеќерна болест и депресија. Стручњаците заради ова им препорачуваат на возрасните личности да се обидат секоја ноќ да отспијат барем 7 до 9 часа сон. Некогаш е сепак тешко да се заспие навечер, а кај проблемите со несоница би можеле да ни помогнат одделни сокови и чаеви.
Камилицата природно помага кај напнатост и несоница. Повеќе студии покажале дека земање 400 мг екстракт од камилица или, пак, пиење чај од камилица во текот на 2 до 4 недели го подобрува квалитетот на сонот кај личностите кои лошо спијат.
Екстракт или чај од корен од валеријана, исто така, ги убалжува симптомите на несоница. Едно истражување во кое учествуваке жени во менопауза покажало дека земање сумплементи со 530 мг валеријана двапати дневно во текот на 4 недели довело до подобрување на квалитетот на сонот кај 30 отсто од учесничките во студијата.
Чајот од нане помага кај лошата дигестија и ги ублажува дигестивните тегоби, па на тој начин придонесува за подобар сон. Ментолот од оваа билка делува како мускулен релаксанс и така придонесува за ублажување на напнатоста.
Коренот од ашваганда традиционално се користи во ајурведата како средство за ублажување на стрес, анксиозност и болки. МУ помага на телото да се опушти и опорави во текот на сонот.
Сокот од цреши и вишни, особено вишни, содржи значителни количества мелатонин, хормон кој ја регулира будноста и сонот. Во едно истражување во кое учествувале 30 лица се покажало дека пиењето напиток од вишни два пати на ден ја намалува зачестеноста од будење во текот на ноќта и му помага на телото подобро да се одмори. Друго истражување покажало дека пиењето две чаши сок од вишни дневно го продолжува траењето на сонот и до 84 минути кај возрасните личности со несоница.
