За кожата подолго да го зачува младешкиот и затегнат изглед, покрај адекватната нега, би требало да се поведе сметка и за исхраната т.е. да се внесуваат намирници и нутритиенти кои го поттикнуваат создавањето на колаген – протеин кој заедно со кератинот кожата ја прави поеластична и посилна.
Зелката е една од намирниците која е позната по тоа што го поттикнува производството на колаген во организмот. Зелката содржи витамини А, Ц и Е, како и витамини од Б-комплексот и бројни антиоксиданти.
Црвено овошје и зеленчук, освен што поволно влијае на синтезата на колаген, обилува и со ликопен, антиоксидант кој штити од штетното влијание на УВ зраците.
Авокадото е богато со витамин Е и омега-3 масни киселини, кои претставуваат клучни антиејџ нутритиенти. Во одлични извори на омега-3 масни киселини спаѓаат морската риба, лененото семе и чијата.
Сојата и производите од соја содржат генистеин, фитоестроген за кој се покажало дека го зголемува нивото на колаген, ја зајакнува кожата и ги блокира ензимите кои ја стареат кожата.
За крај, важно е да се спомене еден од најдобрите извори на витамин А се морковите. Со негова помош се обновува колагенот, се зголемува еластичноста на кожата и се поттикнува циркулацијата во површинскиот слој на кожата.
