Доколку наутро се будите уморни, веројатно, почесто посегнувате по кафе за да се разбудите и да го почнете денот. Меѓутоа, за кафето да го задржи својот „расонувачки“ ефект потребно е постепено да се пијат се поголеми дози. Добра алтернатива за кафето наутро е и зелениот чај кој обилува со антиокдисанти, чајот од ѓумбир или, пак, од чичак кои помагат кај уморот.
Лицата кои ги измачува утрински умор би требало да се погрижат и за нивото на железо и магнезиум во организмот. Железото има важна улога во транспортот на кислород, одржувањето на силен имунитет, како и во синтезата на допаминот. Сите овие механизми се важни за адекватното ниво на енергија. Говедското месо, леќата, леблебијата, црното чоколадо, семките од сончоглед и сусамот спаѓаат во намирниците богати со овој минерал.
Кога е во прашање магнезиумот, со него се богати интегралните житарки, јаткастите плодови и семките, сувото овошје, црното чоколадо и минералните води. За добра апсорпција на железото и силен имунитет важен е и доволниот внес на витамин Ц со кој изобилуваат цитрусите, пиперките, јагодите (овошјето од овој тип), брокулите, магдоносот.
За појадок консумирајте намирници богати со сложени јаглехидрати и протеини, како што се интегрален леб, овесни снегулки, каша од киноа или хељда, јајца, шунка – оваа храна ќе ви обезбеди енергија подолго време. Од друга страна, наутро одбегнувајте зашеќерени напитоци, бел леб и слатки печива – овие намирници само ќе ве направат уште поуморни подоцна во текот на денот.
