Податоците од две опширни студии покажале дека вакцината е ефикасна околу 90 проценти, објави Европската регулаторна агенција за лекови ЕМА и даде зелено светло за одобрување на новата вакцина против коронавирусот, на американската фармацевтска компанија Новавакс.
Од ЕМА велат дека во моментов има малку податоци за ефикасноста на оваа нова вакцина од некои варијанта на КОВИД-19 кои загрижуваат, а меѓу нив е и омикрон.
Несаканите ефекти благи до умерени
“По целосната евалуација, Одборот за хумана медицина на ЕМА (CHMP) едногласно заклучи дека податоците за вакцината се цврсти и ги исполнуваат критериумите на Европската унија за ефикасност, безбедност и квалитет“, наведува регулаторот.
ЕМА информираше дека несаканите ефекти по вакцината биле, според студиите, благи до умерени и обично се повлекувале по неколку дена.
Инфекциите со КОВИД-19 бележат нови рекорди во делови од Европа во последниве недели, што ги натера владите да усвојат нови мерки во соработка со научниците за да стават крај на омикрон варијантата што брзо се шири.
Препораката за употреба на вакцина наречена Нуваксовид, која се дава во две дози, беше во Европа е дадена пред можната авторизација во САД, каде произведувачот Новавакс треба да реши некои прашања за производството и се очекува да аплицира за одобрување до крајот на годината.
И во Европската Унија, процесот на одобрување траел подолго од очекуваното. ЕМА уште во февруари почнала т.н. “rolling review” процес, оценувајќи ги првите податоци за вакцината што доаѓаат од лабораториски студии (неклинички податоци).
Одобрена и од ЕК, испораката започнува во јануари
Европската комисија во понеделникот ја одобри употребата на вакцината против КОВИД-19 , Новавакс, во Европската унија.
“Со пет одобрени вакцини, ЕУ има разновидно портфолио, кое се темели и на новите технологии како што е mRNA и на класични како што е Новавакс базирана на протеини“, изјави претседателката на Европската комисија Урсула фон дер Лајен.
Одлуката е донесена набргу откако вакцината беше одобрена од Европската агенција за лекови (ЕМА).
Вакцината сега може да се дистрибуира во земјите-членки на ЕУ кои ја купиле, а испораката треба да започне во јануари.
