Често кога во некој ресторан или кафуле ќе нарачате кисела вода, келнерот ќе ви донесе чаша со парчиња лимон. Меѓутоа, истражување спроведено за Journal of Environmental Health открило застрашувачки резултати.
Истражувачите посетиле 21 ресторан и зеле примероци од 76 лимони. Кај дури 70% од примероците бил откриен раст на микроби. Примероците биле земани откако пијалакот бил послужен, пред пиење и пипкање.
Научниците предупредуваат дека сопствениците на рестораните и вработените треба да бидат свесни дека парчињата лимон кои ги ставаат во пијалоците може да имаат на себе потенцијални патогени микроорганизми.
Филип Тиерно, клинички професор по микробиологија и патологија, спровел десетина слични експерименти, во кои е откриено дека парчињата лимон, испитани во различни ресторани биле контаминирани дури и со човечки фекалии.
„Микробите кои се пронајдени на примероците лимон може да предизвикаат заразни болести на различни делови од телото, иако не е утврдено колкава е веројатноста за зараза„, изјавиле научниците.
Меѓу понајдените микроорганизми, пронајдени се ешерихија коли, Staphylococcus epidermidis и кандида габи кои најчесто се наоѓаат во вагината.
„Најверојатно нема да дојде до никакви инфекции по консумацијата на вода со лимон на кој се сите овие микроорганизми, но постои можност„, тврди Тиерно.
