Срцето е моќен орган – чука 100.000 пати во само еден ден, пумпајќи пет литри крв низ нашето тело секоја минута за да не обезбеди со доволно кислород, нутриенти, витамини, минерали. Нашиот животен стил чини 70 проценти од ризик факторите, додека нашите гени се одговорни само за 30 проценти. Со други зборови, одредени навики трајно ќе го оштетат срцето, и тоа ќе остари побрзо од останатите органи.
Алкохол, пушење, прекумерна телесна тежина, па дури и стресот му додаваат на нашето срце неколку години повеќе. Дека се работи за навистина сериозен проблем, покажала и голема британска студија која открила дека четири од пет возрасни лица имаат “старо срце“, а со тоа и зголемен ризик за кардиоваскуларни болести, срцев или мозочен удар, пренесува списанието Good Health&Wellbeing кое пренесува и кус тест кој може многу нешта да каже за вашето срце.
Во каква состојба е вашето срцето? Одговарајте со ДА или НЕ
- Дали отчукувањата на срцето во мирување, ви се поголеми од 80 отчукувања во минута?
- Дали сте жена?
- Имате ли веќе дијагностицирани некои срцеви болести?
- Пушите?
- Имате ли дијабетес?
- Боледувате ли од ревматоиден артритис?
- Има ли некоја бубрежна болест?
- Дали сте имале атријална фибрилација?
- Имате ли во потесното семејство челн помлад од 60 години со срцеви болести?
- Имате ли висок холестерол?
- Имате ли висок притисок?
- Дали некогаш сте се лекувале од висок притисок?
РЕЗУЛТАТ: Колку повеќе пати сте одговориле со ДА, поголем е бројот на ризик фактори на кои е изложено вашето срце и со тоа е и постаро. Грубо кажано, за секое “ДА“ можете на срцето да му додадете една година плус.
