Во кои намирници се крие магнезиумот?

Магнезиумот е минерал кој е добар за срцето, мускулите и за имунолошкиот систем

Недостатокот на магнезиум може да предизвика мачнина, повраќање, губење на свеста и апетитот. Заболените од дијабетес тип 2, хипертензија, Кронова болест и целијакија имаат поголема веројатност да го почувствуваат падот на магнезиум во организмот.

Експертите сугерираат дека мажите треба да внесуваат 400 мг магнезиум дневно, додека жените треба да внесуваат до 300 мг.

Во продолжение ви предлагаме седум намирници кои би можеле да ги приспособите во вашата секојдневна исхрана за да го задржите магнезиумот на соодветно ниво.

 

Јаткасти плодови

Јаткастите плодови се сметаат за суперхрана. Тие се богати со здрави масти и хранливи материи, особено со витамин Е, фолна киселина, магнезиум и аминокиселини, а сето ова е решение за  намалување на ризикот од срцеви заболувања. Плодовите, исто така, содржат и билни стероли кои се додаваат во маргаринот за да се намали апсорпцијата на холестеролот. Но, сепак треба да внимавате, бидејќи зголемената консумација може да доведе до повисоки нивоа на холестерол во крвта. Лешниците се добри за обновување на кожата, бразилските оревчиња се одлични за поквалитетна сперма, додека кикириките можат да ве заштитат од дијабетес и камења во жолчката.

Семиња

Мелените семиња може да ги додадете во смути, салати или печива. Семките од тиква, кои го чуваат организмот од слободните радикали се корисни во превенција на некои облици на рак или хиперплазија на простата, велат нутриционистите. Чиа семето содржи високо ниво на протеини, магнезиум, антиоксиданти, железо, витамин Ц, омега-3 масни киселини. Семето од коноп го обновува имунолошкиот систем, го забрзува заздравувањето на раните и е одлично за срцето. Лененото семе го намалува апетитот, го спречува зголемувањето на крвниот притисок и содржи фитоестроген кој го стабилизира хормоналниот баланс.

Банани

Бананата содржи 43 мг магнезиум. Ова овошје е богато со витамини Б6 и Б12, како и со калиум кој го регулира нивото на натриум во крвта. Комбинацијата на калиум и магнезиум е одлична за спортистите, бидејќи ја намалува болката и мускулните грчеви.

Тофу

Тофу настанува со коагулација на протеини во млекото од соја. Студиите во Кина покажаа дека сојата помага да се спречи рак на дојка и рак на белите дробови. Тофу е богато со протеини, витамини, калциум и други минерали, а не содржи холестерол. Докажано е дека го намалува крвниот притисок.

Овесна каша

Наместо снегулки или јајца за појадок, изедете каша од овес која го намалува внесот на холестерол. Овесот е одличен извор на добри јаглени хидрати кои помагаат во рамнотежа на шеќерот во крвта. Богат е со магнезиум, железо, калциум и витамини Б и Е.

Семките од тиква, кои го чуваат организмот од слободните радикали, се корисни во превенција на некои облици на рак или хиперплазија на простата

 

Брокула

Брокулата е зеленчук кој е богат со бројни хранливи материи. Цветовите на брокулата содржат лутеини, антиоксиданти кои обезбедуваат хранливи материи за очите и кожата. Во текот на процесот на варење на брокулата се создава високо реактивен сулфорафан, за кој се смета дека ја стимулира синтезата на протеини кои ги штитат клетките и ги чуваат од рак. Брокулата содржи 21 мг магнезиум.

Грашок

Грашокот содржи магнезиум и е богат извор на енергија. Содржи витамини Ц и Е, Б1 (тиамин), витамин Б2 (рибофлавин), ниацин, витамин Е и витамин А. Како одличен извор на влакна помага во одржување, зачувување на дигестивниот систем и го подобрува варењето на храната.