Во студијата, исто така, објавено е дека жените се враќаат на употребата на презервативи дури откако ќе престанат да земаат други форми на контрацепција. Но кога моногамните двојки имаат однос без заштита тоа нужно не значи дека „бараат неволја“. Постои време кога презервативот е неопходен и кога може да се прескокне неговата употреба.
Доктор Шари Браснер, гинеколог, објаснила дека оправданоста на прескокнувањето на употребата на презервативите зависи од конкретната ситуација и советува да се постават следните четири прашања во случај да изберете однос без заштита.
Дали и двајцата сте верни?
Јасно е дека личностите кои паралелно имаат односи со повеќе партнери се позагрозени од добивање полово преносливи болести од оние кои имаат само еден партнер. Па затоа ако изберете однос без заштита треба да бидете 100 отсто сигурни, ако е тоа воопшто можно.
Кога партнерот последен пат бил на тестирање?
Пред да донесете ваква одлука најдобро е партнерот да направи тестови за кламидија, гонореја, ХИВ и сифилис… Имајте ја на ум информацијата дека СИДА-та може да се открие дури три месеци после ризичен полов однос.
Кој е вашиот метод на контрацепција?
Можеби токму презервативот е единствениот сигурен метод. Размислете!
Дали сте спремни за последиците?
Двете можни последици се несакана бременост и полово пренослива болест, затоа добро размислете ако решите да имате однос без заштита.
