Калориите му обезбедуваат енергија на телото и овозможуваат правилно негово функционирање, и тие се трошат без разлика што човек работи.
Најново истражување покажало дека и покрај активностите што ги извршуваме, на потрошувачката на калории силно влијание има и внатрешниот часовник на телото. Така, додека само седите на тросед во доцните попладневни часови и раните вечерни часови, трошите 10% повеќе калории отколку тоа истото да го правите наутро.
Научниците спровеле истражување на седум лица, кои биле целосно изолирани во лабораториски услови. Тоа значело дека испитаниците не знаеле ниту кој е ден, ниту пак кој период од денот е. На секое лице му било наложено кога да оди да спие, кога е време за будење, а во периодот на тестирање кој траел три недели, им го поместувале времето на одредени зададени работни задачи за четири часа. Со оглед дека нивното тело не било во состојба да се прилагоди на наметнатиот ритам, тие развивале сопствени обрасци. Истражувачите ја мереле брзината на метаболизмот во различен период од енот за да утврдат како испитаниците ги трошат калориите.
Било откриено дека метаболичкиот степен бил најнизок доцна, во текот на биолошката “ноќ“, а највисока околу дванаесет часа подоцна, во биолошките “попладневни и вечерни часови“. Тоа значи дека сакате интензивно да трошите калории, најдобро е различните активности, па и вежбањето треба да го оставите за навечер.
