Кога се зборува за рак на бубрезите, луѓето обични мислат на карцином на бубрежните клетки или RCC, што чини околу 80% од сите бубрежни карциноми, вели американскиот хирург и професор, Џихад Каоук. Типично настанува во кората на бубрегот (надворешниот слој на бубрежното ткиво).
Бубрезите помагаат во рамнотежа на хемискиот состав на крвта, а задача им е одржување на крвта чиста елиминирајќи ги преку урината отпадните материи и водата. Исто така, произведуваат хормони кои помагаат во варење на храната, и ја поттикнуваат коскената срж да произведува црвени крвни клетки.
Ова се пет знаци кои никако не смеете да ги игнорирате, кога е во прашање оваа болест.
Крв во урината
Ова, вели проф Каоук, е најчест симптом на напреднат стадиум на RCC. Во текот на раната фаза, болеста нема никакви симптоми. Иако урината обично ја менува бојата, ако дошло до крварење, понекогаш хематуријата (крв во урината) не е видлива со голо око и присуството на крв може да види само преку лабораториски наоди. Без разлика дали имате болки или не, ако забележите крв во урината, отидете на лекар.
Болки во грбот и од страна
Болка или притисок во грбот или од страна, може исто така да биде аларм, вели лекарот. Тој додава дека овој симптом се манифестира дури кога болеста е многу напредната, Многумина откриваат дека имаат рак на бубрезите, кога поради болки ќе одат на магнетна резонанца или компјутерска томографија.
Но, во поголемиот број на случаи, нагласува лекарот, болката се појавила поради некој друг проблем, а откривањето на рак на бубрегот е случајна.
Хроничен замор
Исцрпеноста и хроничниот замор, според Американската канцер асоцијација, се поврзани со ракот на бубрези, но и со 100 други болести. Токму поради тоа што овој симптом е така неспецифичен, не треба веднаш да се крева паника. Ако хроничниот замор не поминува, посетете лекар.
Губење на килограми
Бубрезите имаат важна улога во дигестијата и во метаболизмот и ако не функционираат, може да дојде до намалување на телесната теѓина и губење на апетитот. Овој симптом, вели Каоук не е специфичен за ракот на бубрези, оти се јавува и кај автоимуните болести, но како комбинирачки знак треба да алармира за посета на специјалист.
Лоша крвна слика
Карциномот на бубрези може да доведе до анемија и нееднаквост на електролитите и калциумот, објаснува лекарот.
“Секако ова веднаш не значи дека имате рак. Но,ако сте анемични, направете контрола и на работата и состојбата на бубрезите“, советува тој.
