Со сесија за предизвиците и можностите во кардиоваскуларната превенција, денес во Охрид заврши тридневниот 6. Конгрес за кардиологија со меѓународно учество.
Според претседателката на Македонското здружение по кардиологија, проф д-р Елизабета Србиновска-Костовска, стручниот собир ја постигна целта, пред се во делот на размена на искуства за најновите научни и професионални достигнувања во кардиологијата, но и за најновите упатства за третман кардиоваскуларните заболувања од Европското кардиолошко здружение кои беа цел на секоја сесија на Конгресот.
Присутните над 800 учесници зборуваа за коронарната артериска болест, срцевата слабост, педијатриската кардиологија, но и за кардиохирургијата, кардиомиопатиите, а беа одржани и неколку практични сесии и постер презентации од областа на современата кардиоваскуларна медицина.
Во рамките на Конгресот, без одржани и неколку симпозиуми на кои беа промовирани нови лекови во третманот на срцевите болести.
