ВО ПОСЛЕДНО ВРЕМЕ ВЕ МАЧАТ ЧУДНИ СОНИШТА? Еве кој е главниот виновник

Научниците ширум светот забележале дека се повеќе луѓе се жалат порди испрекинат сон како последица на чудни и интензивни соништа.

До денес сите веќе запомнивме колку е важен квалитетниот сон за целокупното здравје и дека недостатокот на сон може да значи и негативни последици, а се чини дека пандемијата влијаеше и на неговиот квалитет. Според резултатите од неодамна објавена студија, од кога е почната пандемијата, помеѓу 36 и 55 отсто од испитаниците пријавиле дека имаат проблеми со соништата, што вклучува интензивни и “живи“ соништа.

Кошмарите, кои се почесто се јавуваат, се опишуваат како вид на сон кога чувствуваме загрозеност, некој не лови, бегаме, паѓаме… Дали за ова е одговорен стресот?

Како пандемијата влијаеше на нашето секојдневие, сигурно влијаела и на зголемување на нивото на стрес во секојдневниот живот. Стресорите кои се јавуваа за време на пандемијата вклучуваат страв од губење на сакано лице, изолација, губење на работа, неизвесност околу финансиите, пристапот до лекови и медицинска грижа и постојано известување на медиумите за состојбата со КОВИД-19. Но, во прашање не мора е само стресот, туку фактот дека пандемијата влијае на бројни аспекти на нашиот живот и како таква често ни е прва во мислите, а знаеме дека соништата се често рефлексија на она што сме го доживеале во будна состојба.

НЕГАТИВНИ СОНИШТА

Општо земено, соништата поврзани со пандемијата се поврзани со негативни емоции и вклучуваат страв, тага и лутина. Оваа студија, која го разгледувала квалитетот на сонот во Италија, упатува на тоа дека испитаниците најчесто чувствувале страв, изненадување и тага во сон. Во друга студија пак се наведува дека е дојдено до зголемување на негативните емоции за време на пандемијата, особено кај жените, што е потврдено од друга студија која ги анализирала соништата на студентите за време на пандемијата која открила дека, во споредба со соништата пред пандемијата, студентките имале повеќе кошмари и агресивни интеракции во соништата. Истата студија потврдила дека негативните соништа можат да имаат и негативно влијание врз секојдневниот живот, а податоците покажуваат дека кошмарите во текот на следниот ден можат да предизвикаат чувство на вознемиреност.

Доколку ве мачат грди соништа или кошмари од кога трае пандемијата, може да пробате неколку методи за да ги спречите:

  1. Стресот, како важна причина за непријатните соништа, треба да го држите под контрола, а работи кои можат да ви помогнат во тоа се вежбање, здрава храна, пешачење, слушање омилена музика, медитација или хоби.
  2. Важно е да ги поставите правилата за одење во кревет, затоа потрудете се секој ден да си легнувате во исто време, просторијата во која спиете да биде проветрена и не премногу топла, а пред спиење добро е да уживате во топла, миризлива бања.
  3. Физичката активност е предуслов за добро здравје, но и добар сон, затоа потрудете се во што е можно повеќе денови во неделата да воведете барем 30 минутна активност.
  4. Водете грижа за телото со тоа што ќе внимавате каква храна внесувате, ограничете го внесот на алкохол, откажете се од пушењето и внимавајте да не ги прескокнувате редовните прегледи.
  5. Поврзете се со други луѓе и побарајте поддршка ако ви е потребна, ако сте под голем стрес, разговарајте за тоа, а ако не сакате пријатели, обратете се кај стручно лице. Ова особено се однесува за оние кои имаат чести кошмари, се будат во текот на ноќта и кај кои се јавуваат анксиозност или депресија.