Во случај да сте се отруле со храна, многу е важно да ја надоместите загубата на течности и, секако, доколку ситуацијата е сериозна да појдете на лекар. Доколку симптомите се поблаги можете и сами да си помогнете и ситуацијата да ја ублажите со помош на некои природни препарати.
Ѓумбирот е одличен лек за речиси сите проблеми со варењето. Чајот од ѓумбир можете да го испиете пред или по ручекот за да ги олесните симптомите, а може да си помогнете и ако изрендате мала лажичка ѓумбир што потоа ќе ја измешате со мала лажичка мед. Добиената смеса консумирајте ја неколкупати на ден.
Јаболковиот оцет освен што е речиси неизбежен додаток во некои јадења и одличен препарат за домаќинството, може да ви ги олесни симптомите на труењето со храната и тоа моментално. Измешајте две лажици оцет со топла вода и консумирајте пред оброк.
Јогуртот има антибактериски својства кои ќе ги смират симптомите предизвикани од труењето, покрај тоа ќе ги олеснат болките во стомакот.
Антибактериските, антивирусните и противвоспалителните својства на лимонот во голема мера може да ви ја олеснат состојбата.
Босилекот е одлично средство за непријатностите кои ги предизвикува труењето со храната. Можете да си помогнете на неколку начини – ставете неколку капки масло од босилек во вода што ќе ја консумирајте во текот на денот. Можете да ставите неколку иситнети ливчиња босилек и во јогурт, овој напиток консумирајте го три пати на ден.
И за крај, не заборавајте да пиете многу вода! Возрасните треба да пијат од 8 до 16 чаши вода дневно, но во помали количини повеќепати за да се спречи дехидратација. Ќе знаете дека внесувате доволно вода кога ќе почнете да уринирате нормално, а бојата на урината од темна ќе премине во нормална.
