Новиот бран на инфекција во Кина, очигледно предизвикан од мутиран коронавирус, не е причина за паника. Со мутирањето, SARS-CoV-2, вирус кој на светот му донесе страв во коски, наскоро би можел да стане обична настинка.
Развојот на ефикасна вакцина или лекови против новиот коронавирус токму порадо тоа е комплициран, бидејќи вирусот константно се менува. За околу половина година од избивање на пандемијата, научниците ширум светот регистрирале 100 различни мутации на SARS-CoV-2.
Ваквите варијанти или промени се нормални, бидејќи генетската структура на вирусот се менува и се појавуваат нови подвидови. Исто така, може да се променат и својствата на вирусот. Последиците може да бидат слабеење на изворниот вирус, но и тоа, тој да стане поагресивен.
Различни варијанти исто така потврдуваат зошто еден причинител на болеста во одредена регија во светот предизвикува бранови на инфекцијата со различна тежина, и зошто луѓето различно реагираат на инфекцијата.
СТРАВ ОД ВТОР БРАН ВО КИНА
Кина, земја од која вирусот потекна,всушност со одлучни ограничувања на движење успеа да го стави под контрола новиот коронавирус. Последниве недели тестирани се само лица кои се вратиле од странство.
Сега, во одделни кинески провинции повторно се забележани нови инфекции, и овој пат е јасно дека настанале во Кина.
Притоа, првите тестови покажале дека во Кина кружи нова варијанта патогени. Вирусот SARS-CoV-2 кој е пронајден во Пекинг, малку се разликува од оној кој претходно ја погоди Кина, вели епидемиологот и супервизор на Центарот за пренеција и контрола на болести на Кина, Зенг Гуанг. Резултатите дега би требало да се споредат со анализи од други земји како би можело да следи линијата на потекло на патогените.
КАКО СЕ СОЗДАВААТ МУТАЦИИТЕ?
За да се размножат, вирусите ги користат клетките на домаќинот. Кога вирусите ќе го нападнат домаќинот, од јадрото испуштаат генетски инфорации за инфицираната клетка, На тој начин, клетките на телото репродуцираат милиони копии на вирусот. Но, кај ваквите репродукции, доаѓа до грешки во копирањето, а секоја грешка исто така го менува и генетскиот код на вирусот – тој мутира.
Каде и како новиот коронавирус SARS-CoV-2 прв пат е пренесен на човек, досега не е разјаснето. Научниците засега поаѓаат од тоа дека вирусот се рашири во кинескиот град Вухан. Се претпоставува дека протеинот со кој вирусот се врзува за клетките, веќе мутирал во животното домаќин. Во секоја случај, оваа мутација овозможила пренесување на вирусот на клетките на човекот.
Човечкото тело во принцип е само во ситуација да се одбрани од ваквите вируси. Тоа произведува антитела кои го штитат од вирусот и го прават имуно од патогените кои ја предизвикуваат болеста.
Но, ако патогенот мутира, а антителата се програмирани на старата верзија на причинителот на болеста, тогаш антителата се помалку ефикасни.
Од истата причина, редовно добиваме настинка. Бидејќи, нашите тела веќе создале антитела кај претходната, но за новата мутација на патогенот немаат нови антитела.
ДАЛИ СЕ ОПАСНИ МУТАЦИИТЕ?
многу нешта упатуваат на тоа дека новиот бран на инфекција во Кина е поврзан со мутиран вирус, но овој пат симптомите се развиваат побавно. Причина за паника нема, бидејќи нужно, мутацијата не го прави вирусотпоопасен. Некои мутации дури можат значајно да го ослабат вирусот.
Кристијан Дростен, познат виролог од болницата Charité во Берлин, на мутацијата гледа позитивно.
Новиот вирус така уште подобро се репродуцира во носот и подобро се пренесува“, вели вирологот укажувајќи на најновите студии. Со мутацијата, која првенствено го погаѓа назалното подрачје, вирусот би можел подобро за се размножува, “што води кон тоа да епидемијата навистина со тек на време ослабе“, додава тој.
Вирусот секако може да ја нападне и слузницата на белите дробови, но тоа би предизвикало да човекот се чувствува поболен, поради што останува дома и така спречува понатамошно ширење на вирусот.
Еден вирус дури може со мутациите толку да ослабе, да на крајот во целост исчезне, што е случај со патогенот SARS-CoV во 2003. година.
