Вирусот и натаму е присутен, но само можноста за негово ширење во летниот период е намалена.
“Денес два пати добив понуда да се ракувам, и тоа од свои колеги кои би морале да бидат свесни дека тоа повеќе не се прави“, вели епидемиологот Бојана Беовиќ за словенечката информативна агенција СТА, предупредувајќи дека и натаму мора да постои социјална дистанца и зачестена хигиена на рацете, што значи дека класично ракување со стоскање на дланките ве смее на има.
“Навистина, во моментов можноста да добиеме вирус еден од друг е многу мала, но штом вирусот повторно ќе го има повеќе, и самиот стисок на дланките може да биде проблематично“, додава Беовиќ, која е водечки експерт на здравствено-научната група за коронавирусот во Словенија.
Таа вели дека има лошо чувство дека луѓето сега мислат дека се поминало, иако коронавирусот се уште циркулира, со веројатност да во иднина дојде до идни жаришта, втор бран на епидемијата или да КОВИД-19 поприми форма на сезонска болест.
Словенија, во последните две недели на дневна основа има од нула до еден нов случај на зараза со коронавирус и само 18 активни носители на заразата, и од почетокот на епидемијата помалку од 1.500 заразени граѓани. Но, иако е најавен крај на епидемијата и оваа земја прва прогласи вакво нешто во Европа, според Беовиќ тоа не значи дека вирусот е исчезнат и дека не е меѓу населението.
“Вирусот е се уште присутен, иако можноста за ширење во летните месеци, кога има помалку лица и активности во затворен простор намалена, но може да дојде до нови бранови на епидемијата или до сезонско појавување на заразата, што е карактеристично за респираторните вируси“, потенцира Беовиќ.
Според неа, не е исклучена ниту можноста за нов голем бран или мутација на вирусот кој може да зајакне или пак да ослабе, како што е случај со останатите микроорганизми.
“Иако сето ова во моментов само се претпоставува, сите здравствени установи треба да бидат оспособени за таквата можност“, потенцира Беовиќ.
Епидемиологот Беовиќ вели дека во летните месеци треба да се спроведува интензивна микробиолошка дијагностика и тестирање на секој сомнителен случај на коронавирус, дури и во случај кога симптомите не се карактеристични за КОВИД-19, како на пример кај деца со пролив, со што ќе може да се спречат нови жаришта и да се одложи доаѓањето на втор бран на епидемијата.
