Водењето дневник подразбира бележење на нашите мисли и чувства кои ги следат различните настани во нашите животи. Претставува одличен начин подобро да се запознаеме себеси, но и подобро да го контролираме стресот и да ги идентификуваме причинителите на стрес. Затоа најдобро е редовно да се води дневник, но дури и повременото пишување помага во олеснувањето на стресот и процесот на самоосознавање.
Една од најдобрите техники за контрола на стресот и подобрување на расположението на долги патеки е бележењето на работите во животот за кои сме благодарни. Исто така, добро е на хартија да ги „исфрлиме“ како негативните, така и позитивните чувства кои ги следат разно-разните настани со оглед на тоа дека оваа техника ќе ни помогне подобро да ги обработиме емоциите, како и работите кои ни се случиле и кои сме ги направиле да ги согледаме од повеќе агли.
Водењето дневник, исто така, го намалува стресот со тоа што ни помага подобро да се организираме, на пример, ако ги запишуваме обврските врзани за работата и приватниот живот, различните рокови, обврски, се што треба да направиме по дома или надвор и сл. На овој начин ги намалуваме и шансите да пропуштиме важни рокови или во деновите кои ни следуваат да се најдеме во состојба на интензивен стрес.
