За сите патници (возрасни и деца) кои доаѓаат од ризичните земји на СOVID-19, согласно препораките на Комисијата за заразни болести при МЗ и Владата на Република Северна Македонија, се препорачува домашна изолација во траење од 14 дена од денот на влегувањето во Република Северна Македонија. За контактите на потврден случај со СOVID-19, ДСЗИ издаде решенија за здравствен надзор и домашна изолација.
Домашната изолација подразбира 24 часовен престој во домашни услови, во текот на 14 дена:
♦ Престој во посебна просторија (по можност),
♦ Задолжително носење на заштитна маска (хируршка маска),
♦ Самопроверка – мерење на телесна температура најмалку два пати дневно,
♦ Комуникација со домашните на растојание од минимум 2 метри,
♦ Зачестено, темелно миење на рацете во траење од најмалку 20 секунди, и одржување на личната и општата хигиена во домот,
♦ Зачестено проветрување на домот, особено просторијата каде престојува лицето во домашна изолација,
♦ Редовно користење на средства за дезинфекција на база на алкохол и хлор,
♦ Возрасните, односно хронично болните лица да не одат на работа,
❖ Доколку се пројават симптоми како на пр. покачена температура и треска, кашлица, отежнато дишење, понекогаш малаксаност, мускулни болки, дијареа, лицето да се јави во Службата “Ало докторе”.
КОГО ДА КОНТАКТИРАТЕ ВО СЛУЧАЈ НА СИМПТОМИ:
ШТО АКО НЕ ГИ ПОЧИТУВАТЕ МЕРКИТЕ ЗА САМОИЗОЛАЦИЈА, ОДНОСНО КАРАНТИН
Дали граѓаните се должни да постапат по барањата на надлежните тела за сузбивање на зараза?
Што е самоизолација?
Ако сте минувале низ места каде е во ек ширење на епидемија или сте оствариле близок контакт со лице кое е заразено со овој вирус во изминатите 14 дена, многу е важно да се изолирате од други луѓе, дури и ако не се појавиле симптоми. Самоизолацијата во основа значи останување во сопствениот дом 14 дена, редовно мерење на телесната температура и редовен контакт со надлежниот лекар, за да се следи состојбата и за да, ако е се во ред, го прекине здравствениот надзор.
Што е карантин?
Карантин е изолација што се состои од ограничување на движењето на болни или на сомнително болни или на контакти со болни од одредени болести со висок ризик, во наменски простории каде што ризикот од ширење на инфекциите е намален на најниска можност, во присуство на персонал кој користи соодветни заштитни средства и со посебен режим на движење и однесување.
Што ако некој не постапи по мерките одредени поради спречување на ширење на зараза?
Глоба во износ од 300 до 650 евра во денарска противвредност ќе се изрече за прекршок на физичко лице, ако:
- Открие или се посомнева на заразна болест, а не ги преземе пропишаните мерки со Законот за заштита на населението од заразни болести
- Не пријави заразна болест, односно сомневање за заразна болест или носителство на причинител
- Одбива изолација, задолжително лекување или друга мерка од членот 28 или карантин од членот 29 на Законот
- Одбие или на друг начин оневозможи спроведување на надзорот прошишан со законот
- Одбие задолжителна дезинсекција
- Не изврши или избегнува вршење на задолжителен здравствен преглед.
КОИ СЕ СИМПТОМИ НА КОРОНАВИРУСОТ?
Коронавирусот, според наводите е група на вируси, а симптомите на актуелниот отстапуваат од оние познатите. Според пишувањата на експертите, постојат три главни симптоми на зараза со новиот коронавирус:
- Температура,
- Кашлица
- И отежнато дишење.
Според пишувањето на центарот за превенција на болести во САД, симптомите се јавуваат два дена по контакт со заразено лице.
ЕВЕ ШТО СМЕЕТЕ, А ШТО НЕ СМЕЕТЕ ДА ПРАВИТЕ КАКО БИ СЕ ЗАШТИТИЛЕ:
ДА. Мијте ги рацете најмалку 20 секунди, неколку пати во денот. Користете сапун и вода, како и дезинфекциски средства кои содржат најмалку 60% алкохол:
- Пред готвење
- По користење на тоалет
- По дување на носот, кашлање или кивање
НЕ допирајте ги очите, носот и устата со раце. Ако некој во ваша близина бил во контакт со вирусот, можете преку допир лесно да го пренесете вирусот.
ДА. Научете ги сите симптоми кои се слични на грип:
- Температура
- Кашлица
- Отежнато дишење
НЕ. Не носете маска освен ако сте болни. Маските ги штитат останатите од ширење на вирусот од заразено лице, но ако сте здрави, таа нема а помогне.
ДА. Размислете, можеби би требало да се избегнуваат јавни места ако сте на возраст над 60 години, имате здравствени проблеми… За сега се знае дека ризични групи се повозрасните лица, лица кои имаат проблеми со срцето, дишниот систем и дијабетес.
НЕ. Немојте да патувате ако има темепратира. Ако се разболите на лет веднаш информирајте ги надлежните лица. Кога ќе дојдете дома, цеднаш обратете се на лекар.
