Првично, многумина го викаа едноставно коронавирус, потоа ковид ии ковид-19, а сега се зборува за алфа, бета и делта варијанти. Светската здравствена организација креираше систем на именување на варијантите на КОВИД-19, по грчката азбука за да ја олесни јавната расправа за нив.
Вирусите постојано се мануваат со мутации, што резултира со нови варијанти кои ги следат научниците.
Здравствените власти напоменуваа дека научниците се уште учат за карактеристиките на варијантите на КОВИД-19, па нема едногласно мислење за тоа дали разлчните соеви можат да предизвикаат потешка форма на болеста и во колкава мера вакцините делуваат против нив.
Многу варијанти полесно и побрзо се шират од изворниот КОВИД-19, тврдат здравствените експерти. Досегашните студии сугерираат дека антителата добиени со вакцинирање ги препознаваат новите варијанти. Деталните истражувања се во тек.
АЛФА
Алфа варијантата прво е идентификувана во Велика Британија, а Светската здравствена организација и американскиот Центар за контрола и превенција на болести, ја означија варијантата како варијанта што предизвикува загриженост. Центарот истакнува дека таа варијанта, на основа на податоците за хоспитализација и смртност, може да предизвика потешки симптоми од изворните.
БЕТА
Прво е идентификувана во Јужна Африка, а СЗО и Центарот ја означија варијанта што ги загрижува.
ДЕЛТА
Прв пат, оваа варијанта е забележана во Индија, а научниците истакнуваат дека е позаразна во однос на претходните соеви. Се работи за варијанта која во моментов се шири во Европа и во Америка и предизвикува загриженост за новиот бран на болеста наесен.
ДЕЛТА ПЛУС
Околу делта плус ситуацијата е нејасна. Првично наводно е забележана во Јужна Кореја, Индија и САД, а некои веруваат дека се работи за позаразна делта варијанта. Стручњаците следат и чекаат.
ГАМА
Првично е забележана во Бразил, а потврдена е и во Јапонија. СЗО оваа варијана ја оценува како загрижувачка.
ЕТА
Светската здравствена организација и Центарот за контрола и превенција на болести на САД, во класификацијата, ета варијантата ја наведуваат како варијанта што треба да се следи, што е “поблага“ категорија од претходните. Оваа варијанта е евидентирана во повеќе земји.
ЈОТА
Станува збор, велат експертите, за варијанта што мора да се следи и набљудува. Првично е документирана во САД, поточно во Њујорк.
КАПА
Капа е исто така во побалага категорија, а првичное откриена во Индија, во октомври 2020.
ЛАМБАДА
За прв пат е забележана во Перу во декември 2020, а од тогаш е потврдена во повеќе американски сојузни држави, вклучувајќи го Тексас и Јужна Каролина. СЗО ја класифицира како варијанта што е потребно да се следи.
