Слезината е сместена на левата, горна страна од абдоменот, зад желудникот и под дијафрагмата. Помага во филтрирање и уништување на оштетените крвни клетки и создавање на лимфоцити.
Функција на слезината
Слезината помага да се заштити организмот од инфекции. Една од болестите што може да го зафати организмот е и воспаление на слезината, поради кое доаѓа до намалување на белите и црвените крвни клетки. Откако ќе се намали голем број на црвени крвни клетки ќе се појави анемија.
Кога ќе се отстрани слезината, повеќето од нејзините функции ги преземаат лимфните жлезди од другите делови на телото
Проблемите со слезината обично се откриваат при редовен преглед, бидејќи не постојат јасни симптоми. Воспалителниот процес може да се детектира со помош на рендгентска снимка на стомакот, како и со помош на магнетна резонанца. Доколку вашиот доктор се посомнева на воспаление, ќе ве испрати да направите анализи на крвта и дополнителни снимања.
Симптоми на воспалена слезина
Иако не постојат јасни симптоми, можно е да се идентификуваат неколку знаци кои ќе помогнат да се дијагностицира:
- инфекција;
- болка во левиот горен дел од стомакот;
- замор;
- анемија;
- чувство на ситост по консумирање на мала количина на храна.
Причини за зголемување
Бројни болести, како и инфекции може да бидат причина зошто е дојдено до зголемување на овој важен орган. Влијанието на инфекциите и болестите не мора да трае долго, а се зависи од тоа како напредува лекувањето. Причините за зголемена слезина се:
- згрутчување на крвта во вените;
- вирусни инфекции како мононуклеоза;
- таласемија;
- бактериски инфекции или сифилис;
- метаболички нарушувања;
- паразитска инфекција;
- хемолитичка анемија;
- цироза и други заболувања на црниот дроб;
- лупус;
- полицитемија;
- саркоидоза;
- Хочкинова болест, леукемија и други видови на рак.
Лекување на воспалена слезина
Ако причината за болеста е позната, третманот ќе се фокусира на неа. Доколку се работи за проблем што не може да се третира или идентификува, ќе биде потребен хируршки зафат за отстранување на органот.
Отстранувањето на слезината се нарекува спленектомија. Ваквата операција може да биде дел од дијагностичките постапки во случај на болести на крвта. Операцијата е безбедна, а се избегнува кога станува збор за мали деца, бидејќи постои опасност да ја изгубат отпорноста кон инфекции
Постојат два вида на зафати: лапароскопска операција, која трае подолго и е помалку инвазивна и отворена спленектомија, која трае околу 90 минути.
Иако е можно да се живее без слезината, се зголемува ризикот од појава на болести од различни инфекции. Спроведени се бројни студии каде што се покажало дека сите оние на кои им бил отстранет органот од телото потешко се борат со инфекции.
Кога ќе се отстрани слезината, повеќето од нејзините функции ги преземаат лимфните жлезди од другите делови на телото.
