![6](https://panacea.mk/wp-content/uploads/2022/03/6-6.jpg)
Ризикот од миокардитис е поголем по инфекција, односно заболување со КОВИД-19 отколку по вакцинирањето со вакцина против коронавирусот, заклучува Центарот за контрола и превенција на болести на САД.
Поврзувањето на воспалението на срцевиот мускул со вакцинацијата против КОВИД-19 започна не толку долго по почетокот на вакцинирањето и досега се објавени повеќе заклучоци, а овој е последен кој ја споредува појавноста на миокардитисот кај инфекцијата со пандемискиот вирус и по вакцинирањето против него.
Центарот објави дека лицата заболени од КОВИД-19 се соочуваат со поголем ризик за миокардитис и други воспалителни срцеви болести, отколку оние вакцинирани против коронавирус. До овој заклучок дошле со опсежно истражување со кое порачуваат дека и ваквите срцеви проблеми не се зачестени ниту кога е во прашање прележувањето на КОВИД-19, ниту вакцинирањето против болеста.