Tonsillopharyngitis е дијагноза за акутно воспаление на тонзилите (крајниците) и грлото. Тонзилите се лимфни јазли лоцирани во задниот дел на устата, над гркланот. Тие се првата линија на одбрана на организмот, кои му помагаат на телото во борбата против бактериите, вирусите и другите микроорганизми.
Во некои случаи може да се инфицираат и тогаш се јавува воспаление – тонзилитис. Инфекцијата може да биде предизвикана од вируси или бактерии. Крајниците тогаш се отечени, црвени, а во случај на бактериска инфекција се исполнети и со гној. Воспалението може да се прошири и во грлото и на околните места предизвикувајќи воспаление на грлото, фарингитис.
Инфекцијата на крајниците и грлото е честа болест, особено кај децата. Во случај на вирусна инфекција, не е потребно да се земаат антибиотици, симптомите може да се ублажат со симптоматска терапија (намалување на покачената температура на телото, земање доволно топли пијалаци, мирување). Единствено во случај на бактериска инфекција и суперинфекција е потребна терапија со антибиотици.
Што предизвикува воспаление
Најчесто како предизвикувачи се јавуваат различни видови на стрептококи, стафилококи, пневмококи, аденовируси, микози и др.
Дијагноза
Дијагнозата на ангината не е тешко да се постави и спаѓа во педијатрискиот домен.
Лекување
Лекувањето успешно се изведува со давање на антибиотици и сулфонамиди. Исто така, може да се дадат и аналгетици, антифлогистици за ублажување на локалните болки. Терапијата трае од седум до десет дена.
Препознајте ги симптомите
Клиничката слика е заедничка за сите ангини, постојат само различни степени на локални потешкотии, како и промена во општата состојба, особено кај децата.
Како локални симптоми, се јавува болка во областа на крајниците, особено при голтање, а многу често се шири и спрема ушите. Веќе вториот и третиот ден може да се напипаат зголемени, болни лимфни жлезди на вратот. Некогаш е присутно и засилено излачување на плунка, а понекогаш и чувство на сувост и здив од устата.
Болеста од самиот почеток е придружена со општи симптоми: висока температура, треперење, болки во мускулите, омалаксаност, главоболка.
