Жените во Велика Британија се повеќе се одлучуваат на една многу необична постапка – имено, болниците откриваат дека помеѓу 2007 и 2017 година направиле 109 реконструкции на вагина – т.н. „враќање на невиноста“, а сите биле финансирани од тамошната Национална здравствена служба (NHS) во еднократен износ од 1 000 фунти.
Сепак, вистинскиот број на операции е, веројатно, многу поголем, бидејќи само девет големи болници од вкупно 160 во Британија одлучиле да ги објават податоците.
Советничката за врски Луиз ван дер Велде тврди дека најголемиот дел од жените сакаат повторно да го осетат чувството на губење на невиност, бидејќи првиот пат биле разочарани. Некои пак тоа искуство сакаат да го имаат со својот сопруг, некои партнери од жените очекуваат за нив да бидат невини, додека некои верници ги погодува чувството на вина. Други, пак, биле жртви на силување.
Реконструкцијата на хименот трае околу половина час, а вклучува шиење или реконструкција на хименот.
„Често за жените првиот пат не излегува како што замислувале, а повеќето сакаат тоа да биде работа на која засекогаш ќе се сеќаваат. Разочарани се, па сакаат да ја вратат назад својата невиност“, вели Ван дер Велде.
Најголемиот дел од жените сакаат повторно да го осетат чувството на губење на невиност, бидејќи првиот пат биле разочарани
NHS ја покрива постапката за хименоплатика доколку постојат „физички“ или „психички“ причини, поради кои жената зажалила што ја изгубила својата невиност.
Во 48 случаи болницата открила од која религија биле пациентките: во Британија тоа го направиле 15 христијанки, осум припаднички на Црквата на Англија, две муслиманки, а 23 од нив се изјасниле дека не припаѓаат на ниту една религија.
За 59 случаи, болниците откриле дали жените биле сами, во брак или во врска. Од 59, 48 биле сами, шест биле во брак, две биле разведени, а три не сакале да кажат.
Доколку и во другите болници кои не ги изнеле податоците за извршените операции, бројката е слична, тогаш се доаѓа до број од околу 1 600 хименопластики во последните 10 години.
Што е хименопластика?
Хименот е тенок дел од кожата која делумно го покрива влезот на вагината. Обично пука за време на половиот однос, но тоа може да се случи и при занимавање со спорт, како и користење на тампони. Хименопластиката е козметичка операција, која се изведува под локална анестезија.
