Новото истражувањето на германските научници го поврзува носењето на вратоврска со просечно 7,5 % послаб проток на крв во мозокот, објави стручното списание „Neuroradiology“.
Научниците од University Hospital Schleswig – Holstein во Кил, Германија, користеле податоци собрани од 30 здрави млади мажи. Протокот на крв во мозокот кај испитаниците бил следен со помош на уред за магнетна резонанца.
Непријатната канцелариска облека ги стега вените на вратот, што може да ја забави работата на мозокот
За потребите на студијата, на половина од мажите им било наложено да носат удобни кошули со отворени крагни, а другата половина носеле вратоврски, затегнати до точка на мала непријатност.
Студијата покажала дека момчињата што носеле вратоврски имале 7,5 проценти помал проток на крв.
Во овој случај комотно облечените мажи би можеле да бидат попаметни и попрактични од момчињата кои носат вратоврски. Непријатната канцелариска облека ги стега вените на вратот, што може да ја забави работата на мозокот.
Ослабениот проток на крв во мозокот може во екстремни случаи негативно да влијае на когнитивните способности и да го зголеми ризикот од оштетување на мозочното ткиво, но и да предизвика мозочен удар, предупредуват истражувачите.
