Истражување на германски научници го поврзува носењето вратоврски со просечно 7,5% послаб доток на крв во мозокот, објави стручното списание Neuroradiology.
Научниците од Универзитетот во Келн користеле податоци од 30 здрави мажи на помлада возраст. Дотокот на крв во мозокот кај испитаниците бил следен со помош на уред за магнетна резонанца.
Ослабениот доток на крв во мозокот може во екстремни случаи негативно на влијае на когнитивните способности, како и да го зголеми ризикот од оштетување на ткивото на мозокот, предупредуваат стручњаците.
