Потребно за тестото:
- 600 г наменско брашно
- 1 квасец
- 300 мл млеко
- 3 прстофати сол
- 3 лажици кафеав шеќер
- 3 лажици путер
- ванила
- морско оревче
Потребно за филот:
- џем
- бело или темно чоколадо
- лешници
- суво овошје
- портокал
Начин на приготвување: Квасецот се растопува во малку топла вода со лажичка шеќер и се остава 10 минути. Одделно измешајте ги мокрите и сувите состојки, па соединете ги во една смеса. Тестото добро измесете го, односно месете додека не почнат да се појавуваат меурчиња. Оставете го еден час да нарасне. Потоа развлечете го во кора со дебелина од 1 см, па исечете тркалца со чаша или калап, во средината на секоја крофна (под услов да сакате американски крофни) направете дупка со помош на помал калап. Печете на 180 Целзиусови степени околу 20-25 минути, додека не добијат убава боја.
Крофните можете да ги полните со џем или да ги прелиете со растопено бело или црно чоколадо. Белото одлично се согласува со лешници и суво овошје, а темното со слатки, кандирани портокали.
