На почетокот сме од оваа година, идеално време за усвојување нови, поздрави животни навики. Кога станува збор за генералните начела за здрава исхрана последните години има се повеќе истражувања кои укажуваат на поволните здравствени ефекти на медитеранската исхрана. Овој режим особено придонесува за кардиоваскуларното здравје и намалувањето на ризикот од невродегенеративни заболувања и карциноми.
Добро би било да се посвети внимание и на внесот на намирници како што се интегралните житарки, јаткастите плодови и семките, овошјето и зеленчукот, со оглед на тоа дека содржат изобилство влакна. Освен што го поттикнуваат варењето, поволно делуваат и на цревната микрофлора.
Кога станува збор за месото повеќе истражувања покажале дека не треба да се претерува. Стручњаците сметаат дека не би требало да се јадат повеќе од 500 г месо на неделно ниво, на тој начин се намалува ризикот од колоректален карцином.
Ограничете го и внесот на засладени сокови и газирани пијалаци – редовното консумирање на овие напитоци може да го скрати животот и за две години. Од друга страна, предност треба да им се даде на напитоците богати со антиоксиданти како што се, на пример, зелениот и црниот чај, но и природните сокови, како на пример, сокот од калинка.
Исто така, не го прескокнувајте појадокот – истражувањата покажале дека навиката на прескокнување на појадокот го зголемува ризикот од инфаркт за 27 отсто, како и дека го удвојува ризикот од развој на атеросклероза.
И конечно, движете се повеќе – во секојдневниот живот вклучете физичка активност – место лифт, онаму каде што е можно, користете скали. Место превоз – пешачете. Додека зборувате на телефон не стојте – движете се. Додека гледате телевизија, на пример, можете да правите ’чучњеви’, стомачни… Во текот на денот танцувајте на омилените песни. Доколку имате пес одете во редовни, долги прошетки. Ова се само некои од идеите – она кон што би требало да се стремите е да бидете поактивни и помалку да седите во текот на денот.
