ТРЕ е вид привремена диета која се заснова на теоријата дека повеќето будни часови човекот ги поминува грицкајќи нешто. Па затоа начинот да ја регулираме телесната тежина се крие во намалувањето на бројот на часови во кои ќе јадеме. Тоа значи дека може да се јаде од пладне до 19 часот или од 8 до 14 часот. Одлуката за тоа во кој период ќе се внесува храна е индивидуална. Меѓутоа добро е да се знае дека најголем успех се постигнува кога колку што е можно порано ќе се престане со јадење.
Истражувањето спроведено на Универзитетот во Алабама врз 11 мажи и жени со прекумерна телесна тежина покажало дека ТРЕ ефикасно работи. Испитаниците во текот на првите четири дена од истражувањето јаделе само од 8 до 14 часот, а потоа уште 4 дена од 8 до 20 часот. Во текот на ноќта трошеле поголемо количество масти, а преку ден имале помала потреба за храна. Меѓутоа ова истражување е мало и со сигурно не може да даде потврда дали ТРЕ би можела да стане водечка диета кога е во прашање долготрајното губење килограми.
