Дали знаете дека овошјето треба да го консумирате во одредено време во текот на денот за тоа најдобро да се одрази на вашето здравје. Кај многу намирници е мошне важно во кој дел од денот се јадат, односно некогаш се добри, а некогаш лоши за нашето тело.
Банани
Најдобро е да ги јадете околу пладне затоа што така го зајакнуваат имунитетот и ја чистат кожата. Не се препорачува да се јадат навечер затоа што тогаш поттикнуваат засилено создавање слуз и можат да го отежнат варењето.
Јаболка
Содржат пектин кој го намалува шеќерот во крвта и холестеролот, ако ги јадете наутро за појадок. Значи, одбегнувајте ги навечер затоа што пектинот навечер тешко се вари.
Компир
Јадете го исклучиво преку ден затоа што е преполн со минерали, и го намалува холестеролот. Бидејќи е мошне калоричен најдобро е да се одбегнува навечер – за да не се здебелите.
Млеко
Топло млеко навечер делува смирувачки и се грижи за подобар сон – значи напијте се една шолја пред спиење. Но наутро најдобро е да го одбегнувате – го отежнува варењето, се разбира, ако во текот на денот не се бавите со доволно спорт.
Јаткасти плодови
Ако околу пладне јадете јаткасти плодови, тие го намалуваат притисокот. Навечер не се препорачуваат – мошне се калорични.
Портокали
Преку ден се дозволени, дури се и пожелни. Тогаш го поттикнуваат варењето. Лоша вест: не се препорачува да се пие сок од цеден портокал за појадок, затоа што го иритира желудникот.
Темно чоколадо
За појадок е дозволено. Содржи антиоксиданти кои го забавуваат стареењето, па штитат од срцеви болести. Ако не сакате да се здебелите не го јадете како меѓуоброк, односно максимално намалете го внесот.
Смокви
Наутро го зајакнуваат имунитетот и го поттикнуваат варењето. Навечер не ги јадете затоа што предизвикуваат надуеност.
Сирење
Сирењето е најдобро да се јаде наутро затоа што во мали количества го поттикнува слабеењето и ја спречува надуеноста. Но никако не се препорачува во вечерните часови. Сирењето е тешко сварливо и може да предизвика проблеми со желудникот.
