Да се биде здрав не значи само ако се храниме здрави или еднаш неделно одиме на фитнес. Секој човек за да биде комплетен, мора да се грижи и за менталното здравје. Тоа пред сѐ значи да биде среќен и задоволен од себе и од својот живот. Експертите велат дека патот кон среќата започнува со ослободување од негативните мисли. Секојдневно проживуваме илјадници мисли, а некои од нив можат да бидат многу токсични и да ни наштетат на долги патеки. Некои истражувања одат дотаму што откриваат дека негативното размислување е поврзано со физичките болести, особено на срцето. Од друга страна, пак, позитивните мисли прават чуда и за умот и за севкупното здравје.
Психолозите советуваат секој да поработи на надминување на негативните мисли. Особено на некои секојдневни ситуации, за кои не сме ни свесни дека ни прават штета.
Ќе го направам тоа подоцна
Одложувањето на обврските, всушност води кон поголем стрес. Затоа секојдневно составете листа на обврски и држете се до неа. Никогаш нема да ви се натрупаат обврски кои ќе ве извадат од колосек
Ништо не ми оди од рака
Една лоша работа не води задолжително кон нова лоша работа. Ако нешто не оди според планот многу е лесно да се западне во негативни мисли и разочарување. Во тој момент е добро да се стават сите моќни исходи од ситуацијата на хартија, и позитивните и негативните. Тоа ќе биде потсетник дека не е сѐ црно како што изгледа
Грижата за себе е себичност
Многумина се чувствуваат лошо ако своите потреби ги стават пред туѓите или пак пред обврските кои им се секојдневна должност. Но, грижата за себе е влог од кој ќе имаме само добробит, не само самите ние, туку и семејството, колегите од работа, па и целата заедница.
Нивниот живот е подобар од мојот
Социјалните мрежи и секојдневното споделување каде сме летувале или зимувале, што јадеме, каков автомобил имаме наметнува притисок дека нечиј туѓ живот е поисполнет од нашиот. Тоа, велат психолозите е многу далеку од вистината, бидејќи материјалните предмети немаат нипто со среќата и задоволството
Ќе бидам среќна ако….
…имам многу пари, ако се вработам во голема компанија, ако изгубам 5 килограми, одам на одмор на Бали….Ова е многу опасен начин да се врзува среќата и успехот со достигнувања од иднината. Радостите треба да се врзуваат со малите работи од секојдневието, така секој ден ќе имаме причина за среќа
Јас сум малер, лоши работи само мене ми се случуваат
Овпј тип размислување за себе како жртва е многу опасен и што е најважно далеку од реалноста. Лоши работи им се случуваат на сите, само што секој има различен механизам за справување со нив. Обидете се да додадете хумор во вакви ситуации, кога ќе поминат ќе увидите дека всушност и не биле толку страшни
