Според анкетата на „Sleep Health Foundation“ од Австралија, голем дел од луѓето не спијат доволно или во просек спијат помалку од седум часа. Една од причините е и храната – одредени намирници го нарушуваат спиењето и, од друга страна, постојат намирници кои се препорачуваат да се јадат пред спиење бидејќи поттикнуваат поквалитетен сон. Токму затоа изборот на храна која ја внесуваме во организмот навечер е многу важен. На пример, мисиркиното месо е добар избор, бидејќи содржи големи количини на триптофан, аминокиселина која помага во ослободување на мелатонин, хормон одговорен за добар сон. Триптофанот, исто така, се наоѓа и во друга храна богата со протеини. Д-р Џесика Редмонд од SHF вели дека недостатокот на триптофан доведува до недостаток на серотонин, познат како хормон на среќата.
Ако сакате да спиете добро, не треба да јадете после 20 часот и треба да избегнувате алкохол
Храна која ќе ви помогне да спиете подобро: мисиркино месо, пилешко, риба, јајца, млечни производи, свежи цреши, лиснат зеленчук, авокадо, банани, мед, бадеми, ореви, овес… Ако сакате добро да спиете не јадете пред спиење – масна храна, пржена храна, чипс, сладолед, силно зачинета храна, алкохол, кафе.
