Добро избалансираниот однос на бактерии во цревата делува позитивно и на менталното здравје, се тврди во едно поново американско истражување. Па затоа и главниот совет е за добро расположение да пиете повеќе јогурт или други напитоци со пробиотско делување.
Научниците откриле дека Lactobacillus, која е најчеста во пробиотскиот јогурт, помага при депресивното однесување кај глувците. Водачот на студијата доктор Албан Готије, од медицинската школа при Универзитетот Вирџинија, вели дека ова откритие е голема надеж, затоа што нема да мораме веќе да се заморуваме со комплексни лекови и нуспојави кога може да се позабавиме со микробиомот, односно цревната флора.
За да дојдат до ова сознание научниците најпрво го анализирале микробиомот на цревата на глувците пред и после изложеност на стрес. Тимот утврдил дека стресот доведува до губиток на Lactobacillusa, што на крајот доведува до појава на симптоми слични на депресија. Понатамошните истражувања покажале дека нивото на Lactobacillus во цревата влијае на нивото на кинуренинот, метаболит кој во претходна студија го поврзале со развојот на депресија.
Во оваа студија кога нивоата на Lactobacillus биле намалени, висината на кинуренинот пораснала, а тоа довело до развој на симптоми слични на депресија. Научниците тогаш на глувците под стрес им ја смениле исхраната и почнале да им даваат храна која ја содржи оваа бактерија.
Практично зборувајќи, ова сознание може да помогне и во лекувањето на депресијата кај луѓето. Личностите кои патат од благо депресивно расположение би требало само да го сменат начинот на исхрана.
До слични сознанија дошле и истражувачите во студијата спроведена во 2014 година. Тие сугерирале дека пробиотиците кои го зголемуваат нивото на добри цревни бактерии ја намалува анксиозноста и стресот кај возрасните личности, додека ниското ниво на Lactobacillus довело до депресивни симптоми.
