Предменструалниот симптом најчесто почнува три дена пред почетокот на менструалниот циклус и кај некои жени може да потрае за време на целиот циклус. Како изгледа?! Променливо расположение, тешко се контролираат емоциите, жените се раздразливи, чувствителни… Има и физички тегоби – присутно е чувство како преку ноќ жените да нафрлиле неколку килограми, надуени се, отечени, имаат болки во стомакот, имаат недостаток на енергија, несоница…
ПМС не заобиколува никого, иако симптомите не се еднакво изразени кај сите жени – некои воопшто не ги ни забележуваат, додека кај некои оваа фаза е исклучително мачна и интензивна и може да трае подолго од вообичаено. Научниците неодамна утврдиле дека тогаш всушност станува збор за ПМДД – помалку познато, но се почесто пореметување кај жените во дваесеттите и раните триесетти; кое има идентични симптоми како и ПМС, но до таа мера се изразени што го загрозуваат нормалното функционирање, па дури и извршувањето на вообичаените секојдневни обврски.
Официјалната статистика вели дека околу 8 отсто од женската популација патат од ПМДД или предменструално дисфорично пореметување, но научниците истакнуваат дека таа бројка, всушност, е многу поголема. Метафорички кажано ПМДД всушност е ПМС на квадрат, а за да се воспостави оваа дијагноза потребна е присутност на најмалку пет психички, но и физички симптоми и тоа за време на секоја менструација во период од една година.
Некои од најчестите симптоми се: депресија, чувство на безнадежност, екстремна глад и нервоза, анксиозност, потполна незаинтересираност за вообичаените активности, недостаток на самодоверба, тешкотии во концентрирањето, ненадејно чувство на топлина, главоболки, болка во мускулите…
Како да се излезе на крај со ПМС или барем да се ублажи?
Постојат некои навики кои можат да помогнат да се ублажат симптомите во пресрет и во текот на самиот циклус.
Бидете физички активни: Лежењето во кревет само ќе го засили лошото чувство. Каква било физичка активност – јога, прошетка, џогинг, пливање, танцување – ќе помогне да се оттргнете од летаргијата, да ги запрете грчевите и да добиете повеќе енергија.
Одберете влошки кои ви годат: За време на циклусот не би требало да чувствувате некаква разлика или промена во однос на останатите денови – важно е нормално да се движите, ништо не смее да ве иритира, да ви пречи… Удобноста и комфорот не смеат да се доведуваат под знак прашалник, а најдобро е да одберете влошки кои имаат сигурна заштита, ги следат облините и брзо впиваат.
Спијте барем 8 часа: Потрудете барем додека трае менструацијата да спиете доволно, така ќе ги победите уморот и безволноста.
Времето поминувајте го во друштво на оние со кои добро се забавувате: Менталната хигиена е исклучително важна, затоа имајте на ум – доброто друштво е најдобар лек!
Внимавајте што јадете за време на циклусот: Многу овошје и зеленчук за да не се соочите со надуеност и чувство на тежина. Во ова ќе помогнат црниот леб, овесните снегулки, црното чоколадо, бадемите, чија семето…
