Не е новина дека одредени намирници може да помогнат за намалување на телесната тежина. Но, исто така, можеби не сте свесни дека консумирањето на одредени намирници пред и по вежбањето може уште повеќе да ги подобри резултатите. Така, сложените јаглехидрати и протеини се идеални за пред, додека простите јаглехидрати се подобри за потоа.
Стручњаците велат дека слабата исхрана пред вежбање може да го присили телото да извлекува енергија од црниот дроб и бубрезите, со што симнувањето килограми станува потешко. Тие предлагаат да се изеде нешто 30 минути по вежбањето, бидејќи метаболизмот тогаш е уште активен.
ПРЕД
Бадеми – јаткастите плодови содржат многу протеини, а посебно бадемите кои во себе имаат здрави масти и растителни влакна погодни за срцето. Порција од 100 г бадеми содржи 3,9 г јаглехидрати, што е идеален внес дури и за најтешкиот тренинг.
Овесна каша со бобинки – ова е секогаш здрав избор, но е уште подобар пред вежбање со оглед на тоа дека содржи многу протеини. Поради јаглехидратите во овесната каша, додадете и малку боровница. Бобинките се богати со витамин Ц, калиум и растителни влакна. Комбинацијата од овие две намирници ќе ви ги обезбеди сите потребни нутриенти.
ПОТОА
Сурутка со бадемово млеко – постојат предности и маани кога се во прашање протеинските сокови, но поради потребните нутриенти тие се идеален избор по завршениот тренинг. И што е важно, телото брзо ги апсорбира. Додавањето бадемово млеко во шејковите се препорачува бидејќи изобилува со калиум, витамин Е, магнезиум и влакна.
Омлет со чаша сок од портокал – јајцето е едно од најосновните извори на протеин. Но, тие се речиси без јаглехидрати (1,2 г на 100 г јајце). Затоа, стручњаците предлагаат со омлетот да се испие и чаша сок од свеж портокал. Оваа комбинација ќе му обезбеди на организмот доволно витамини А, Ц и Д, како и протеини и калциум.
