Шпанските научници од Универзитетот „Ровира и Виргили“ откриле дека секојдневната консумација на бадеми, лешници и ореви придонесуваат за квалитетот и мобилноста на спермата.
Студијата вклучила 119 здрави субјекти на возраст од 18 до 35 години кои секојдневно консумирале околу 60 грама мешавина на јаткасти плодови во период од 14 недели.
Се проценува дека секоја седма двојка има потешкотии со плодноста, а во 40-50 % од случаите причината е малобројноста, слабиот квалитет или подвижност на спермата
Познати фактори на ризик за ова се загадувањето, пушењето и исхраната со слаб квалитет. Од друга страна, редовното внесување на омега-3 масни киселини, антиоксиданти и фолати има позитивен ефект врз плодноста, објавува „Би-би-си“.
