Од појавата на Ковид-19, се соочувавме со неколку варијанти на вирусот SARS-CoV-2. Некои предизвикуваа благи симптоми, други потешки, но заедничка им беше тенденцијата за различен опсег на симптоми или различна хронологија на здравствени проблеми што ги предизвикуваа.
Во раните фази на пандемијата, најчести симптоми беа треска, кашлица, губење на мирис и вкус и болка во градите, и тоа особено кај алфа и делта варијантите. Омикрон, меѓутоа, донесе поблаг тек на болеста, кој главно е проследен со болка во грлото, течење на носот, главоболка и замор.
Според извештаите, се чини дека главниот симптом на Ковид-19 повторно е променет и сега најчест симптом е мијалгијата.
Мијалгијата, односно болките во мускулите се појавува поради ефектите на воспалителните молекули што гии ослободуваат имуните клетки како одговор на вирусот. Станува збор за симптом кој беше еден од најдоминантните симптоми во 2021 година, кога се појави омикрон.
Според зборовите на јужноафриканската докторка Анџелик Коци, која прва ја откри омикрон варијантата, мијалгијата почесто поинтензивно ги погаѓа невакцинираните пациенти. Сепак, и вакцинираните лица можат да го почувствуваат овој симптом.
Мијалгијата е чувствителност која се чувствува на локално подрачје, но може да биде поврзана и со раширена болка. Се опишува како долготрајна или краткотрајна болка во мускулите која се јавува при мирување и при движење.
Мијалгијата поврзана со ковидот почесто ги погодува рамената или нозете и трае во просек два до три дена, но понекогаш трае и подолго.
Останати најчести симптоми
Некои од најчестите симптоми на ковид на кои треба да внимавате се:
- Болка во грлото, чувство на гребење во грлото
- Треска
- Течење на носот
- Главоболка
- Упорна кашлица
- Замор
